Бүгүнтөн тарта министрлер элге отчёт бере башташат

Бүгүн, 18-июлдан тарта мамлекеттик органдардын жетекчилери 2022-жылдын биринчи жарым жылдыгында жасаган иштери тууралуу жалпыга отчётун бере баштайт. Бул тууралуу Министрлер кабинетинин басма сөз кызматы билдирди.

Отчёттук жумалык төмөнкүдөй тартипте түзүлдү:

18-июль. Ички иштер министрлиги, Өзгөчө кырдаалдар министрлиги;

19-июль. Санариптик өнүктүрүү министрлиги, Айыл чарба министрлиги, Транспорт жана коммуникациялар министрлиги, Жаратылыш ресурстары, экология жана техникалык көзөмөл министрлиги;

20-июль. Финансы министрлиги, Экономика жана коммерция министрлиги;

25-июль. Билим берүү жана илим министрлиги, Саламаттыкты сактоо министрлиги, Маданият, маалымат, спорт жана жаштар саясаты министрлиги, Эмгек, социалдык камсыздоо жана миграция министрлиги, Тышкы иштер министрлиги;

26-июль. Өкмөткө караштуу мамлекеттик агенттиктер, комитеттер;

27-июль. Энергетика министрлиги, Коргоо министрлиги, Юстиция министрлиги.

Жолугушуулар бейформал тартипте өтүп, алгач тиешелүү министрлер отчёт берип, андан соң медиа өкүлдөрү менен суроо-жооп, баарлашуулар болору кабарланды.

Айта кетсек, өлкө башчысы Садыр Жапаров Министрлер кабинети менен өткөргөн жыйынында мамлекеттик органдын жетекчилерин элге, медиа тармакка ай сайын отчёт берип турууну милдеттендирген.