Айсулуу, Айпери, Аймээрим. Балбандардын аты берилген үч эм үйгө чыгарылды

Кыргызстандык балбан кыздар Айсулуу Тыныбекова, Мээрим Жуманазарова, Айпери Медет кызынын аты берилген үч эм үйүнө чыгарылды. Ага Айсулуу Тыныбекова барып, үч эмдин ата-энеси менен баарлашты. Бул тууралуу Айсулуу Тыныбекова Фейсбуктагы баракчасына жазды.

Үч эм 5-октябрда төрөлгөн.

Айсулуу Тыныбекова 62 кг салмакта кыз-келиндер арасындагы күрөш боюнча дүйнөнүн эки жолку чемпиону, 2021-жылы өткөн Олимпиада оюндарынын күмүш медалынын жеңүүчүсү.

Мээрим Жуманазарова (68 кг) кыз-келиндер арасындагы күрөш боюнча дүйнө чемпиону, Олимпиада оюндарынын коло медалынын жеңүүчүсү.

Айпери Медет кызы 76 кг салмакта кыз-келиндер арасындагы күрөш боюнча дүйнө чемпионатынын коло медалынын жеңүүчүсү.