Нурманбет Раймалы уулу КМШ оюндарында бел боо күрөшүнөн алтын медаль утту

Татарстандын борбору Казань шаарында өтүп жаткан КМШ өлкөлөрүнүн I оюндарында Нурманбет Раймалы уулу бел боо күрөшү боюнча мелдеште алтын тагынды.

Ал 100 килограммга чейинки салмак категорияда күрөшкөн.

Белгилей кетсек, ал буга чейин ушул эле оюндарда грек-рим күрөшү боюнча күрөшүп, коло медаль алган.

Көз карандысыз Мамлекеттер Шериктештигине кирген өлкөлөрдүн I оюндарында медалдар боюнча Кыргызстан 5-орунда келе жатат.

Учурда Кыргызстандын куржунунда 2 алтын, 9 күмүш жана 14 коло (жалпы 25) медаль бар.

Кыргызстандан КМШ өлкөлөрүнүн оюндарына 163 спортчу катышат. Алар спорттун 13 түрү боюнча күчүн сынайт.

"Марал радиосу" Телеграмда

"Марал радиосу" Инстаграмда

Жарнама

Айпери Жумабай кызы

Пикир калтырыңыз

Марал Радиосу