7-июнда 13 шаарга мэр шайланат

Өлкөнүн 13 шаарынын мэрин шайлоо 7-июнга белгиленди. Чечим Борбордук шайлоо комиссиясынын 19-майдагы токтому менен кабыл алынды.

Маалым болгондой, айтылган күнү Баткен, Жалал-Абад, Сүлүктү, Балыкчы, Кызыл-Кыя, Исфана, Айдаркен, Кадамжай, Кербен, Шопоков, Кайыңды, Кемин, Орловка шаарларына мэр шайланат.

Белгилей кетсек, 11-апрелде 28 шаардык жана 420 айылдык кеңешке шайлоо өткөн. Кийинчерээк БШКнын чечими менен Бишкек, Ош жана Токмок шаардык кеңештерине шайлоо жокко чыгарылган.