COVID-19 илдети 68 адамдан табылып, 2 бейтап каза болду

COVID-19 боюнча Республикалык штабдын берген маалыматка ылайык, 21-мартка карата 68 адамдын коронавируска чалдыкканы аныкталды. Бишкек шаарында – 45; Чүй облусунда — 12; Ысык-Көл облусунда – 6; Ош шаарында – 4; Жалал-Абад облусунда — 1 кишиден илдет табылган.

Ал эми бир сутка ичинде 55 адам коронавирустан айыгып чыккан. Алсак, Бишкек шаарында – 23; Ош облусунда – 2; Чүй облусунда – 18; Ысык-Көл облусунда – 6; Нарын облусунда – 4; Баткен облусунда – 2 киши айыкты.

Сутка ичинде COVID-19 илдетинен Бишкекте 2 адам каза болду.

Бүгүнкү күнү стационарларда коронавирустан 410 бейтап, амбулатордук түрдө 361 адам дарыланууда.

Кыргызстанда пандемия башталгандан бери 87 миң 389 адам коронавирус жуктурган. Алардын ичинен 84 миң 185 бейтап айыгып чыкса, 1 миң 490 адам каза болду.