Селден улам Нарын — Өрүк-Там жолу жабылды

Нарын районунда сел жүрүп Нарын — Өрүк-Там жолу жабылып калганын Өзгөчө кырдаалдар министрлиги кабарлады.

19-июль күнү катуу жаан жаап, анын кесепетинен кокту-колоттордон келген сел суулары унаа жолдун 50-55 чакырым аралыгын жууп, унаа жол эки тараптуу жабылып калган.

Кыргызгидромет борбору буга чейин 18-19-июлда өлкө аймагында туруксуз аба ырайы болорун, тоо этектеринде жана тоолуу райондордо сел жүрүү коркунучу бар экенин билдирген.