Футбол: Кыргызстан Иранга 2:3 эсебинде жеңилди

Кыргызстандын футбол боюнча улуттук курама командасы Дүйнө чемпионатынын тандап алуу оюндарынын 3-раундунун алтынчы турунда Иран курамасы менен беттешип, 2:3 эсебинде жеңилди.

Оюн 19-ноябрда Бишкектеги Дөлөн Өмүрзаков атындагы борбордук стадиондо өттү.

Кыргызстандын эсебиндеги эки голду Жоэл Кожо киргизди. Ирандын эсебине жазылган голдор Мехди Таремиге, Салех Хардениге жана Сердар Азмунга таандык.

Кыргызстандын улуттук курама командасы Иран, Катар, БАЭ, Түндүк Корея жана Өзбекстандын курама командалары менен биргеликте «А» тайпасында жайгашкан.

Кыргызстан алгачкы беттешин 5-сентябрда Иранга каршы ойноп 0:1 эсебинде утулган. 10-сентябрда Өзбекстанга 2:3 эсебинде жеңилген. 15-октябрда Түндүк Кореянын оюнчулары менен беттешип, 1:0 эсебинде Кыргызстандын улуттук командасы жеңген.