Кыргызстанда жергиликтүү кенештерге шайлоо өтүүдө

Бишкек жана Ош шаарларында, ошондой эле Баткен, Жалал-Абад, Ысык-Көл, Нарын, Ош, Талас жана Чүй облустарында жергиликтүү кенештердин депутаттарын шайлоо өтүп жатат.

Добуш берүү 17-ноябрда таңкы саат 08:00дө башталып, 20:00гө чейин уланат.

Бир күн мурун дистанциялык добуш берүүдө жергиликтүү кенештердин депутаттарын шайлоодо 8167 шайлоочу добуш берди.

Кыргызстан боюнча шайлоо үчүн 2437 шайлоо участкасынын эшиги ачылган жана 27 327 участкасында шайлоо комиссиясынын мүчөсү ишке тартылды.

Өлкө боюнча жалпы 10 шайлоо участкасы аралыктан добуш берүү үчүн ачылды.

Жергиликтүү кенештердин депутаттарын шайлоо үчүн 4 млн 135 миң 039 шайлоочу катталган, анын ичинде эркектер — 2 млн 528 миң (48,38%), аялдар — 2 млн 134 миң 511 (51,62%) түзөт.

Ошондой эле өлкө боюнча аралыктан добуш берүү үчүн 9050 арыз түштү. Арыздардын 72%ы 18-35 жаштагы жаш шайлоочулардан келип түшкөн. Арыз бергендер арасында мамлекеттик органдардын жетекчилери, студенттер, аскер кызматчылары жана вахталык режимде иштегендер бар.

Кыргызстандын жарандары 33 шаардык кеңеште 993 депутаттарды жана 231 айылдык кеңеште 5391 депутаттарды шайлашат.

Шаардык кенештердин депутаттарын шайлоо партиялардын талапкерлеринин тизмеси боюнча жүргүзүлөт жана орундар шайлоочулардын добушунун 5% жана андан көбүн алган саясий партиялар арасында пропорционалдуу бөлүштүрүлөт.

Шаардык кеңештердин депутаттарын шайлоого 39 саясий партия катышып, 4822 талапкерди көрсөткөн, орточо конкуренция ар бир орунга 4 талапкерден келип чыгууда.

Айылдык кенештердин депутаттарын шайлоо көп мандаттуу шайлоо округдарында жүргүзүлөт, ал жерден шайлоочулардын добушун көп алган талапкерлер жеңүүчү болушат. Бул учурда ар бир айылдык кенеште 30% орун аялдар үчүн резервде сакталат.

Айылдык кенештерге 9 996 талапкер катталды, орточо конкуренция ар бир орунга 2 талапкерден болуп жатат.