Биз менен байланышыңыз

Улуттук банк валюта базарынан 22,5 млн доллар сатып алды

Кыска кабар | 6 Сен 2024 | 110 | 0

Улуттук банк интервенция жүргүзүп валюта базарынан 22,5 миллион доллар сатып алды. Бул тууралуу маалымат Улуттук банктын сайтына жарыяланды.

Буга чейин Улуттук банк 26-июлда валюта базарынан 48,1 миллион доллар сатып алган. Ал эми август айында эки жолу доллар саткан.

2024-жылдын башынан бери 17 жолу валюталык интервенция жүргүзүлгөн.

Акыркы суткада доллар менен орус рублинин сомго карата расмий курсу төмөндөдү. Евро менен юань кымбаттаганы байкалды. Теңгенин курсу өзгөргөн жок.

6-сентябрь, эртең менен Бишкектеги акча алмаштыруучу жайларда долларды орто эсепте 84,09 сомдон сатып алныып, 84,57 сомдон сатылууда. Улуттук банктын расмий курсу 84,23 сомду түздү (төмөндөө – 0,17 пайыз).

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM