Париж-2024: Эрлан Шеров испаниялык спортчуга утулуп калды

Кыргызстандык дзюдочу Эрлан Шеров Париждеги Олимпиада оюндарында атаандашына утулуп калды.

Ал мелдешин 31-июлда 90 килограммга чейинки салмак ченинде күч сынашып, 1/16 финалдан баштаган. Биринчи беттеште кубалык атаандашын жеңип, кийинки раундга өткөн.

1/8 финалда испаниялык Тристани Мосахлишвили менен чыгып, ага утулуп калды. Ушуну менен анын Олимпиададагы беттештери аяктады.

Бүгүн Олимпиада оюндарынын алкагында кыргызстандык мушкер Мунарбек Сейитбек уулу да беттешке чыгат. Мунарбек Сейитбек уулу 57 кг чейинки салмак категориясында Олимпиададагы жолун 1/8 финалдан баштайт. Анын атаандашы кубалык мушкер Хорта Родригез болот.

Беттеш Бишкек убактысы боюнча саат 23:55те башталат.