Бишкекте Сүймөнкул Чокморовдун эстелиги ачылды
Бүгүн, 22-июнда СССРдин эл артисти, Кыргыз ССРинин эл сүрөтчүсү Сүймөнкул Чокморовдун эстелигинин ачылыш аземи өттү.
Сүймөнкул Чокморовдун эстелиги “Ала-Тоо” кинотеатрынын чыгыш тарабына орнотулду.
Айкелдин ачылыш аземине Министрлер кабинетинин төрагасынын орун басары Эдил Байсалов, маданият, маалымат, спорт жана жаштар саясаты министри Алтынбек Максүтов, Сүймөнкул Чокморов атындагы коомдук фонддун төрагасы Сагынбек Абдрахманов жана Чокморовдун жакындары, замандаштары, бир катар маданий ишмерлер катышты.
Эстелик Сүймөнкул Чокморов атындагы коомдук фонду тарабынан уюштурулган марафонго түшкөн акчанын эсебинен жасалып, 3 миллион 250 миң сом каражат жумшалган.
2017-жылы СССРдин эл артисти Сүймөнкул Чокморовдун эстелиги орнотулуп, бирок коомчулуктун сын-пикирлеринен улам 2019-жылы скульптура алынып, эстеликти алмаштыруу чечими кабыл алынган.
Андан кийин “Сүймөнкул Чокморов атындагы коомдук фонд” сынак жарыялап, анын жеңүүчүсү скульптор Азамат Абдрахманов аныкталган.
Нарында эт фестивалы өттү (сүрөт)
Баткенде журналисттердин «Ийгиликке кадам» медиафоруму өтүп жатат
Кыргызстан «Талибан» кыймылын тыюу салынган уюмдардын тизмесинен чыгарды
Транспорт министрлиги Оштогу жол оңдоо иштери тууралуу маалымат берди
Жаныш Раимжанов президенттин Жалал-Абаддагы өкүлчүлүгүнүн аппаратын жетектейт
Мамлекеттик туунун авторлорунун бири Бекбосун Жайчыбеков көз жумду
«Акаевдин макамы кайтарылса, башка ажолор да кайрыла баштайт»
Бишкекте 47,3 млн сомдук алдамчылыкка шектелгендер кармалды
Президент Түрк мамлекеттер уюмунун ички иштер министрлерин кабыл алды
