Аба ырайы: Күндүз көпчүлүк аймакта жаан жаайт

13-июнда түнкүсүн Жалал-Абад, Ысык-Көл, Нарын облустарынын айрым жерлеринде өткүн өтүп, күн күркүрөйт, калган аймактарда жаан жаабайт.

Күндүз Чүй, Ош, Ысык-Көл, Нарын облустарынын көпчүлүк аймактарында, Жалал-Абад, Баткен, Талас облустарынын тоо этектеринде жана тоолуу райондорунда өткүн өтөт.

Чүй, Ысык-Көл, Нарын облустарынын кээ бир райондорунда, Ош, Жалал-Абад, Баткен облустарынын тоо этектеринде жана тоолуу райондорунда жаан нөшөрлөп жаайт. Батыштан келген шамалдын ылдамдыгы секундасына 4-9 метрден, күндүз айрым жерлерде 15-20 метрге чейин жетет.

Абанын температурасы:

Чүй облусунда түнкүсүн +14…+19, күндүз +25…+30,

Талас өрөөнүндө түнкүсүн +10…+15, күндүз +24…+29,

Баткен, Ош, Жалал-Абад облустарында түнкүсүн +17…+22, күндүз +31…+36,

Ысык-Көл облусунда түнкүсүн +9…+14, күндүз +19…+24,

Нарын облусунда түнкүсүн +6…+11, күндүз +20…+25.

Бишкекте түнкүсүн жаан-чачын күтүлбөйт, күндүз өткүн өтүшү мүмкүн. Абанын температурасы түнкүсүн +16…+18, күндүз +27…+29 градус ысык.