Кыргыз-тажик чек арасы боюнча сүйлөшүүлөр болду

Бишкек шаарында 19-майдан 25-майга чейин кыргыз-тажик мамлекеттик чек арасын делимитациялоо жана демаркациялоо боюнча эки өлкөнүн өкмөттүк делегацияларынын укуктук маселелер боюнча жумушчу топтору жана топографиялык жумушчу топтору жолугушуу өткөрдү.

Бул тууралуу өкмөттөн кабарлашты.

Жолугушуунун алкагында тараптар чек ара сызыгынын калган тилкелердеги өтүүсүн сыпаттоо боюнча сунуштар менен алмашышты. Кийинки сүйлөшүүлөр Тажикстанда өтөт жана анда калган аймактарды сыпаттоо боюнча иш улантылат.