Бишкекте нөшөрлүү жаандан кийин айрым турак үйлөрдү суу каптады

Суу каптаган үйдү тазалоо иштери. 22-март, Арча-Бешик конушу.

Бишкек шаарында айрым турак үйлөрдүн короосун жана жер төлөөсүн суу каптады. Бул тууралуу өзгөчө кырдаалдар министрлиги билдирди.

Маалыматта айтылгандай, 21-марттан 22-мартка караган түнү нөшөрлүү жааган жамгырдын кесепетинен Манка-Жар коктусундагы селтосмодон суу ашып, Арча-Бешик конушунун айрым көчөлөрүндөгү турак үйлөрдү суу каптаган.

Ошондой эле Свердлов районунун Ибраимов көчөсүндөгү айрым үйлөрдүн да короосун суу каптанган.

Тактоо иштеринин натыйжасында, Арча-Бешик конушунун Азем көчөсүндөгү алты, Кара-Кужур көчөсүндөгү 14 үйдү, Жайыл баатыр көчөсүндөгү төрт, Шербет көчөсүндөгү сегиз үйдү суу каптаган.

Түнү менен таштандыга толуп калган дренаж каналдар тазаланып, турак жайлардын короолоруна кирген суулар сордурулган.