Кыргыз-тажик чек арасынын дагы 47,05 чакырымы боюнча макулдашылды

Министрлер кабинети билдиргендей, 8-декабрдан 14-декабрга чейин кыргыз-тажик чек арасы боюнча топографиялык жумушчу топтордун, чек араны делимитациялоо жана демаркациялоо боюнча эки өлкөнүн өкмөттүк делегацияларынын укуктук маселелери боюнча жумушчу топтору жолугушууларды өткөрдү.

Анын жыйынтыгында топографиялык жумушчу топтор кыргыз-тажик мамлекеттик чек арасынын 47,05 чакырымы боюнча макулдашышты.

Калган участокторду сыпаттоо боюнча тараптардын кийинки жолугушуусу Тажикстандын аймагында өтөт. Жолугушуунун жыйынтыгында тиешелүү протоколго кол коюлду.