Connect with us

Кара-Суу районунда 90 млн сомго курулган мектеп ачылды

Кыска кабар | 2 Сен 2023 | 435 | 0

Министрлер кабинетинин төрагасы Акылбек Жапаров Ош облусунун Кара-Суу районундагы Отуз-Адыр айыл аймагында 275 орундуу орто мектептин ачылышына катышты.

Анда сөз сүйлөп жатып, мамлекет билим берүү тармагына жылдан-жылга өзгөчө көңүл буруп жатканын айтты. Анын маалыматы боюнча, билим берүү тармагын каржылоо 2023-жылы 60,9 миллиард сомду түздү. Бул 2022-жылга салыштырмалуу 23 млрд сомго көп.

Өкмөт быйыл 204 мектептин курулушун баштаганын, анын 100зү быйыл жыл аягына чейин бүтөрүн билдирди. Биринчи сентябрга карата 36 мектептин курулушу бүттү.

Кара-Суунун Отуз-Адыр айылындагы 2 кабаттуу «Октябрдын 70 жылдыгы» атындагы орто мектебин курууга 90 млн сом жумшалды.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM