Спорттук иш-чараларга байланыштуу Бишкекте айрым көчөлөр жабылат

Бишкек шаарынын 145 жылдыгына карата калаада спорттук мелдештер ​​өтөт. Бул тууралуу мэриянын басма сөз кызматы билдирди.

VISA DUATHLON BISHKEK 2023 спорттук иш-чаралары 30-апрелде шаардын түштүк тарабында — Ынтымак паркында, Масалиев көчөсү менен Чыңгыз Айтматов проспектисинин кесилишинде өтөт.

Таңкы саат 7:00дөн баштап 12:30га чейин веложарыш өткөрүү үчүн Масалиев көчөсүнүн түндүк тарабын Чыңгыз Айтматов проспектисинен Байтик Баатыр көчөсүнө чейин тосуу керек. Ошондой эле Токтоналиев көчөсүнүн Безымянная көчөсүнөн Масалиев көчөсүнө чейинки бөлүгүн жабуу керек ,— деп айтылат маалыматта.

Масалиев көчөсүнүн түштүк тарабы унаа кыймылы үчүн чыгыш багытында гана ачык болот, батыш багытындагы унаа кыймылы үчүн Ахунбаев көчөсүн бойлой жабылган тилкеден айланып өтүү зарыл.