Маалыматка караганда, гранттык келишимге Кыргызстандын каржы министри Алмаз Бакетаевдин, Жапониянын Кыргызстандагы элчиси Хидэки Годанын жана Жапониянын эл аралык кызматташтык агенттигинин (JICA) өкүлү Кавамото Хироюкинин катышуусунда 23-мартта кол коюлду.
«Долбоордун негизги максаты – Баткен облусунун аймагында табигый кырсыктарга туруктуу жолдорду куруу жана Борбор Азия чөлкөмүндө логистикалык коопсуздукту камсыз кылуу», – деп жазылган министрликтин сайтындагы билдирүүдө.
2022-жылы октябрда кыргыз-тажик чек арасындагы куралдуу кагылышуудан кийин Жапония Баткен облусу үчүн 1 миллион доллар өлчөмүндө грант бөлгөн.
