Цукерберг жаңы акы төлөнүүчү верификация киргизилерин айтты

Meta корпорациясынын башчысы Марк Цукерберг Facebook жана Instagram социалдык тармактарынын колдонуучулары үчүн акы төлөнүүчү текшерүү кызматы Meta Verified ишке киргизгенин жарыялады.

Бул колдонуучунун атынын жанында көк чек алуусуна, ошондой эле башка кызматтарга кирүүсүнө мүмкүнчүлүк берет.

Цукерберг бул колдонуучуларга хакердик чабуулдардан кошумча коргоону жана кардарларды колдоо кызматына түз жетүүнү камсыздай турганын айтты.

Meta Verified жазылуусу веб-сайттан сатылып алынганда АКШда 11,99 доллар жана iOS колдонмолорунда 15 доллар турат.

Кызматты алуу үчүн 18 жаштан жогорку колдонуучулар расмий идентификациясын көрсөтүшү керек, анын реквизиттери аккаунттагы маалыматка дал келиши керек.

Текшерүүдөн кийин аккаунттун атын, колдонуучунун атын, туулган күнүн же сүрөтүн кайра текшерүүсүз өзгөртүү мүмкүн болбой калат.

Жаңы кызматтын ишке кириши буга чейин текшерилген аккаунттарга таасирин тийгизбейт. Мындан тышкары жазылуу корпоративдик эсептерге колдонулбайт.