Самарканд саммитинде 8 документке кол коюлду (тизме)

Өзбекстандын Самарканд шаарында өтүп жаткан Түрк мамлекеттер уюмунун саммитинин жыйынтыгында бир катар документтерге кол коюлду.

Түрк мамлекеттер уюмуна (ТМУ) катышуучу-өлкөлөрдүн башчыларынын Саммитинин тогузунчу жыйынынын жыйынтыгында уюмга мүчө-мамлекеттер — Кыргыз Республикасынын, Азербайжан Республикасынын, Казакстан Республикасынын, Түрк Республикасынын, Өзбекстан Республикасынын башчылары төмөнкү документтерге кол коюшту:

— Түрк мамлекеттер уюмунун 9-Саммитинин Самарканд декларациясы;

— «Түрк тилдүү мамлекеттердин кызматташтыгынын Кеңешин түзүү боюнча Нахичевань макулдашуусуна» өзгөртүү киргизүү жөнүндө протокол;

— «Түрк мамлекеттер уюмунун процедуралар эрежеси» жөнүндө чечим;

— «Түрк мамлекеттер уюмунун соодага көмөктөшүү стратегиясы» жөнүндө чечим;

— «Түрк мамлекеттер уюмунун Башкы катчысын дайындоо» жөнүндө чечим;

Ошондой эле төмөнкүдөй чечимдер кабыл алынды:

— Түрк мамлекеттер уюмуна мүчө-мамлекеттердин өкмөттөрүнүн ортосундагы эл аралык бириктирилген ташуулар жөнүндө макулдашуу жөнүндө;

— Түрк мамлекеттер уюмуна мүчө-мамлекеттердин өкмөттөрүнүн ортосундагы бажы коридорун жөнөкөйлөтүү боюнча макулдашуу жөнүндө;

— Түрк мамлекеттер уюмуна мүчө-мамлекеттердин тиешелүү мекемелеринин ортосундагы персоналды башкаруунун санариптик системалары боюнча өз ара түшүнүшүү меморандуму жөнүндө.

Белгилей кетсек, Самарканддагы саммит кечээ, 10-ноябрда өз ишин баштаган. Ага Кыргызстандын президенти Садыр Жапаров баштап барган делегация катышууда.