Биз менен байланышыңыз

Казакстан кезектеги Дүйнөлүк көчмөндөр оюндарын өткөрүү үчүн арыз жазды

Дүйнө , Кыска кабар | 30 Сен 2022 | 447 | 0

Кезектеги Дүйнөлүк көчмөндөр оюндарын өткөрүү үчүн Казакстан арыз жазды. Бул тууралуу Казакстан Межилисинин спикери Ерлан Кошанов Түркия президенти Режеп Таййип Эрдоган менен жолугушуусунда айтты.

«Межилис төрагасы Казакстан V Көчмөндөр оюндарын өткөрүүгө арыз тапшырганын, бул демилгени бардык түрк тилдүү коомчулук колдоп берерине ишене турганын айтты», — деп билдирет маалымат кызматы.

Белгилей кетсек, Казакстандын атынан Түркиянын Изник шаарында өтүп жаткан IV Дүйнөлүк көчмөндөр оюндарынын ачылышына Межилис төрагасы Ерлан Кошанов катышкан.

IV Дүйнөлүк көчмөндөр оюндары 29-сентябрдан 2-октябрга чейин «Биримдикти жана салтты сактайбыз, келечекке карайбыз!» деген ураандын алдында өтүүдө.

Оюндарга 102 өлкөдөн 3 миңден ашык спортчу катышып жатат. Мелдештерге Кыргызстандын атынан 148 спортчу барган. Дүйнөлүк көчмөндөр оюндары буга чейин үч жолу Кыргызстанда өткөрүлгөн.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM