Биз менен байланышыңыз

1,5 жаштагы бала октон жаракат алган. Абалы учурда стабилдүү

Кыска кабар | 17 Сен 2022 | 954 | 0

Кыргызстандын саламаттыкты сактоо министрлиги билдиргендей, учурда Бишкектеги Эне жана баланы коргоо улуттук борборунда Баткендеги куралдуу кол салууда жабыркаган 8 жаран бар.

Аталган борбордун директору Гүлзат Маймерова 17-сентябрга караган түнү 6 балага операция жасалганын билдирди.

«Эң кичине пациент 9 айлык наристе. Ал жеңил трамва алган. Операция болгондордун төртөө бир үй-бүлөнүн мүчөлөрү. Ал эми бир жарым жаштагы бала октон жаракат алган. Ага операция жасалып, учурда абалы стабилдүү. Оң жакка жылыш бар» — деп билдирген Акипресс маалымат агенттигине.

Саламаттыкты сактоо министрлиги бүгүн, 17-сентябрь саат 9:00гө карата (оперативдүү маалыматтар) куралдуу кагылышуулардын натыйжасында саламаттыкты сактоо уюмдарына жалпысынан 103 жабырлануучу жаткырылганын билдирди. Анын ичинен 5 жабырлануучу амбулатордук дарылоого жөнөтүлгөнүн маалымдайт.

Жарааттардын мүнөздөмөсү боюнча, негизинен, дененин ар кайсы бөлүгүнө ок тийген жана жарылуудан алган жарааттар.

1. Баткен облустук бириккен ооруканасы — 41 жабырлануучу;

2. ЖДПБ Лейлек — 21 жабырлануучу;

3. ЖДПБ Кулунду — 3 жабырлануучу,

4. ЖДПБ Сүлүктү – 6 жабырлануучу,

5. Улуттук госпиталда — 20 жабырлануучу,

6. Улуттук хирургия борборунда – 1 жабырлануучу.

7. Улуттук эне жана баланы коргоо борборуна – 6 жабырлануучу жаткырылган.

 

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM