Connect with us

Кадамжайда 20 адамдан 75 миң сомдон алдап алган аял кармалды

Кыска кабар | 10 Авг 2022 | 442 | 0

Баткен облусунун Кадамжай районунда акыркы бир ай аралыгында «Умра» сапарына жөнөтүүгө акча алып, алдап жүргөн аял кармалды. Бул тууралуу Кадамжай милициясынын басма сөз кызматы билдирди.

Жалпысынан жоопко тартууну суранып 16 жарандан арыз түшкөн.

Арыздар Кадамжай милициясында Кылмыш жаза кодексинин 209-беренесинин (Алдамчылык) негизинде катталып, сотко чейинки өндүрүш иши башталды.

Кечээ, 9-август күнү Кадамжай районунун Орозбеков айыл аймагынын эч жерде иштебеген 39 жаштагы А.Б. аттуу тургуну Ош шаарында жүргөн жери аныкталып, кармалган.

Тергөө иштеринин жүрүшүндө шектүү жаран 20 адамдын ар биринен 75 миң сомдон акча алган. Учурда кармалган шектүү убактылуу кармоо жайына киргизилип, тергөө иштери жүрүп жатат.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM