Connect with us

Унаалардын айнектерин караңгылатууга уруксат берүүдөн 70 млн сом түштү

Кыска кабар | 9 Авг 2022 | 450 | 0

Унаалардын каптал айнектерин караңгылатууга уруксат берүүдөн бюджетке 70 млн сомго жакын каражат түштү. Бул тууралуу Ички иштер министрлигинин басма сөз кызматы билдирди.

«Унаа» мамлекеттик мекемеси тарабынан ушул жылдын 1-июнунан тартып жеңил транспорт каражаттарынын алдыңкы каптал айнектерин караңгылатууга уруксат берүү процесстери ишке ашырылып келүүдө.

Кечээ, 8-августка карата 864 уруксат берүү катталып, бюджетке 69 млн 740 миң сом түшкөн.

Унаасынын каптал айнектерин караңгылаткысы келген жарандар транспорт каражатын каттоо жөнүндө күбөлүк жана паспорт же ишеним кат менен ИИМдин «Унаа» мамлекеттик мекемесинин каалаган аймактык каттоо бөлүмүнө кайрылса болот.

Каттоо процедурасы 30 мүнөттөн ашпайт.

Уруксат берүүнүн наркы жеке адамдар үчүн 80 миң сом, юридикалык жактар үчүн 100 миң сом жана резидент эместер үчүн 120 миң сомду түзөт.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM