18 өлкөнүн жарандары Кыргызстандын визасын жеңилдетилген тартипте алышат

Жайкы туристтик сезондун алдында Тышкы иштер министрлиги 18 өлкөнүн жарандары үчүн Кыргызстанга туристтик визаларды алуунун жеңилдетилген жол-жобосу иштелип чыкканын маалымдады.

ТИМден билдиришкендей, визаларды алуунун жөнөкөйлөштүрүлгөн тартиби чет элдик туристтерди тартууга жагымдуу шарт түзүү жана өлкөдө туризмди өнүктүрүү максатында ишке ашырылган.

Бул тизмеге төмөндөгү мамлекеттер кирет:

• Индия
• Бангладеш
• Пакистан
• Шри-Ланка
• Алжир
• Египет
• Иордания
• Ливан
• Марокко
• Непал
• Тунис

Ошондой эле төмөндөгү мамлекеттердин жарандары Кыргызстандын туристтик категориядагы визасын Кыргызстандын дипломатиялык өкүлчүлүктөрүнө жана консулдук мекемелерине жеке арызынын негизинде жана түздөн-түз Кыргызстанга келгенден кийин жөнөкөйлөтүлгөн тартипте ала алышат. Тышкы иштер министрлигинин «Манас» эл аралык аэропортундагы визалык кеңсесинен төмөндөгү өлкөлөрдүн жарандары келгенден кийин түз кайрылса болот:

• Бириккен Араб Эмираттары (БАЭ)
• Сауд Аравиясы
• Бруней
• Кувейт
• Катар
• Оман
• Бахрейн