«Келечек» футбол турниринде баш байгени «Дарыгерлер» алды

Маданият, маалымат, спорт жана жаштар саясаты министрлиги тарабынан уюштурулган «Келечек» жаштар турнири аяктады.

Турнир 35 жашка чейинкилер арасында өтүп, ага «Мамлекеттик кызматкерлер», «Эл өкүлдөрү», «Дарыгерлер», «Мугалимдер», «Журналисттер», «Өнөр адамдары», «Блогерлер», «Ишкерлер» деген 8 команда катышты.

Жыйынтыгында төмөнкү командалар жеңүүчү аталып, акчалай байге алышты:

1-орун — «Дарыгерлер», байгеси 50 миң сом;

2-орун — «Журналисттер», байгеси 30 миң сом;

3-орун — «Өнөр», байгеси 20 миң сом;

4-орун — «Мамлекеттик кызматкерлер», байгеси 10 миң сом.

Андан тышкары төмөнкү оюнчулар атайын номинациялар менен сыйланышты:

«Мыкты оюнчу» — Мирлан Кубанычбеков («Дарыгер»);

«Мыкты бомбардир» — Бекболсун Молдояр уулу («Блогерлер»);

«Мыкты дарбазачы» — Азат Сагынов («Мамлекеттик кызматкерлер»);

«Мыкты коргоочу» — Адилет Султаналиев («Өнөр»);

«Мыкты күйөрман» — Темирлан Ишенов.

Маданият, маалымат, спорт жана жаштар саясаты министрлиги «Келечек» турнирин өткөрүүгө салым кошкон өнөктөштөргө терең ыраазычылык билдирип, кийинки оюнду өткөрүү кезеги Ош шаарына берилди.