Sputnik Light вакцинасы Казакстанда чыгарыла баштады

Казакстанда «Караганда фармацевтикалык комплекси» коронавируска каршы Sputnik Light вакцинасын өндүрө баштады. Бул тууралуу Zakon.kz маалымат агенттиги билдирди.

Белгилүү болгондой, бул дары былтыркы жылдын ортосунда Орусиянын Гамелеи атындагы илимий-изилдөө институтунда ревакцинация үчүн иштелип чыккан. Анын далилденген натыйжалуулугу 79,4%ды түзөт.

Буга чейин KFK казакстандыктарды эмдөө үчүн биринчи COVID-19 препараты Sputnik V вакцинасын чыгарууну баштаган болчу.

Казакстанда өндүрүлгөн дары Орусияда каттоодон өтөрү күтүлүүдө.

Белгилей кетсек, былтыркы жылдын февраль айынан бери пандемия учурунда инфекциянын жайылышына каршы күрөшүү үчүн өтө зарыл болгон вакцинанын 7 миллион дозасы жарандык жүгүртүүгө таратылган. Кийинки кадам калкты ревакцинациялоо үчүн бир компоненттүү «Спутник Лайт» препаратын чыгарууну өнүктүрүү болуп саналат.