Токтогул ГЭСинде суунун көлөмү 9,5 млрд куб метрге чейин азайды

Бүгүн, 18-январда Токтогул суу сактагычындагы суунун көлөмү 9 млрд 559 млн куб метрди түздү. Бул тууралуу «Электр станциялары» ишканасынын басма сөз кызматы билдирет.

Маалыматка ылайык, суунун агып келиши секундасына 141 куб метрди түзсө, агып чыккан суунун көлөмү 570 куб метрге жетүүдө.

2021-жылдын апрель айында Токтогулда суу кескин азайып, ГЭСтеги суу 8,5 млрд куб метрге чейин, башкача айтканда, кооптуу чекке жеткен.