Биз менен байланышыңыз

Балдар жана карылар үйүнүн тамагына бөлүнгөн акча эки эсе көбөйөт

Кыска кабар | 6 Дек 2021 | 364 | 0

Президент Садыр Жапаров «Социалдык чөйрөнүн айрым мекемелеринде тамактанууга чыгымдардын акчалай ченемдерин көтөрүү жөнүндө» жарлыкка кол койду.

Ага ылайык, балдар үйлөрүндө тарбия алгандардын тамак-ашына акча мурдагыдан эки эсе көбөйтүлөт. Каражат көбүрөөк бөлүнө турган мекемелердин катарында карылар, жетим балдар, майыптар үйлөрү, реабилитациялоо борборлору бар.

Жарлык ушул жылдын 1-январынан тарта күчүнө кирет. Аткаруу милдети Министрлер кабинетине жүктөлөт.

Айта кетсек, өлкө башчы Садыр Жапаров 3-декабрда Беловодск айылындагы балдар үйү менен таанышуу учурунда балдар үйлөрүнүн тамак-ашына бөлүнгөн акчаны эки эсе көбөйтүү тапшырмасын Эмгек, социалдык камсыздоо жана миграция министри Кудайберген Базарбаевге берген болчу.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM