Connect with us

Орусиянын Ооганстандагы башкы консулдугу ишин токтотту

Дүйнө , Кыска кабар | 5 Июл 2021 | 1129 | 0

Ооганстандын Мазари-Шариф шаарында жайгашкан Орусиянын башкы консулдугу ишин токтотту. Бул тууралуу Орусиянын Ооганстандагы элчилиги билдиргенин «РИА Новости» маалымат булагы жазды.

Маалым болгондой, башкы консулдук кырдаал турукташканча жабылууга аргасыз болушкан. Ишин качан улантары азырынча айтыла элек.

Анткен менен Ооганстандын борбору Кабулдагы элчиликте эч кандай коркунуч жок, кызматкерлерди коопсуз жайга чыгарып кетүү пландалган эмес.

Эскерте кетсек, АКШ аскерлерин чыгарып кетерин билдиргенден кийин Ооганстанда өкмөт аскерлери менен «Талибан» кыймылынын ортосундагы тиреш күч алган. «Талибан» кыймылы улам бир районду басып алууда. Террордук топ менен болгон куралдуу кагылыштан улам өкмөттүк аскерлер Тажикстанга качып өткөн учурлар көбөйдү.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM