Жапаровдун Тажикстанга болгон расмий сапарында 4 документке кол коюлду (тизме)

Президент Садыр Жапаровдун Тажикстанга болгон расмий сапарынын алкагында бүгүн, 29-июнда Душанбе шаарында кыргыз-тажик эки тараптуу кызматташтыгын өркүндөтүүгө багытталган бир катар документтерге кол коюлду:

• Саламаттыкты сактоо жана социалдык өнүктүрүү министрлиги менен Тажикстандын Өкмөтүнө караштуу Социалдык камсыздандыруу жана пенсия боюнча агенттигинин ортосунда пенсия менен камсыз кылуу жана социалдык камсыздандыруу жаатында кызматташуу жөнүндө макулдашуу;
•  Мамлекеттик кадр кызматы менен Тажикстандын Президентине караштуу Мамлекеттик кызмат агенттигинин ортосунда мамлекеттик кызмат чөйрөсүндө кызматташуу жөнүндө меморандум;
•  Маданият, маалымат, спорт жана жаштар саясаты министрлиги менен Тажикстандын Өкмөтүнө караштуу Жаштар иштери жана спорт комитетинин ортосунда жаштар саясаты жаатында кызматташуу жөнүндө меморандум;
• «Кабар» Кыргыз улуттук маалымат агенттиги менен Тажикстандын «Ховар» улуттук маалымат агенттигинин ортосунда кызматташуу жөнүндө меморандум.

Мындан тышкары Кыргызстандын президенти Садыр Жапаров менен Тажикстандын президенти Эмомали Рахмон Биргелешкен билдирүү кабыл алышты.