Алмаз Сакиев «Кыргыз темир жолу» ишканасына жетекчи болду

Транспорт менен коммуникация министрлигинин алдындагы «Кыргыз темир жолу» мамлекеттик ишканасынын башкы директору болуп Алмаз Сакиев дайындалды. Тиешелүү буйрукка Министрлер кабинетинин төрагасы Улукбек Марипов кол койду. Бул тууралуу ишкананын басма сөз кызматынан кабарлашты.

Сакиевди аталган кызматка Инвестициялар министрлигинин алдындагы Мамлекеттик мүлктү башкаруу фонду сунуштаган.

Буга чейин аталган ишкананы Василий Дашков жетектеп келген.