«Сапаттын» президенти Орхан Инандынын дайынсыз жоголгону айтылууда

«Сапат» билим берүү мекемесинин негиздөөчүсү, президенти Орхан Инандынын 31-майдан 1-июнга караган түнү жоголуп кеткенин «Азаттыкка» жеке булактары кабарлаганын сайтына жазып чыгышты.

Маалыматка караганда, Инанды түндө менчик автоунаасы менен кетип бара жатканда, белгисиз адамдар уурдап кеткен. Жакындары анын дайынсыз болуп жатканы тууралуу Бишкектеги Октябрь райондук ички иштер бөлүмүнө арыз жазышкан.

Арызда 1-июндун таңында Чыңгыз Айтматов көчөсүндө жайгашкан үйдүн эшигинин алдынан Инандынын «01KG 599AHR» мамлекеттик номерлүү «Lexus 470» үлгүдөгү автоунаасынын эшиги ачылып, ичи бош турганы, унаанын ээси Орхан Инанды 31-майда кечки саат 18:00дө байланышка чыккан бойдон дайынсыз экени айтылган.

Ал эми бул боюнча тиешелүү органдар маалымат бере элек.

«Сапаттын» ачылышына Түркиянын кайсы лидерлери катышкан? (фото)