Айдарбеков: Тажикстан Ворухка жол ачса, анда биз да Мургабды сурашыбыз керек

Кыргызстан менен Тажикстан чек ара боюнча акыркы сүйлөшүүдө кол койгон протоколду эки тарап тең элге жарыялады. Анда Кыргызстандын аймагындагы Ворух анклавын Тажикстандын Хожалы айылы менен байланыштырган айланма жол курулары айтылган. Буга эки тараптын 1924-1927-жылдардагы картаны колдонууга макул болгону себеп катары айтылууда. Буга байланыштуу мурдагы Тышкы иштер министри Чыңгыз Айдарбеков Фейсбуктагы баркчасына билдирүү жазды.

Анын айтымында, тажик тарап Ворухту кайрадан бириктиргиси келсе, анда Тажикстандын аймагында калып калган Мургаб районун тарыхый өлкөсү Кыргызстанга кайтарып берүүсү керек.

«Учурдагы КР Акыйкатчысы белгилегендей, тажик тарап он сегиз жылдан бери ушул шарттарды – чек ара маселелери боюнча бардык сүйлөшүүлөрдө 1924-1927-жылдардагы карталарын карап чыгууну такай айтып келет. Интернеттеги ачык булактардан алынган карталарды карап көрсөк, көптөгөн кызыктуу фактыларды таба алабыз. Мисалы, 1924-1927-жылдардагы карталарга таянсак, Кыргыз Республикасында Мургаб аймагын өзүнүн тарыхый мекени менен бириктирүү маселесин көтөрүп чыгуу мүмкүнчүлүгү бар. Ошону менен бирге, эгерде картаны карасак, Ворух Кыргыз Республикасы менен коридор катары байланышкан. Тажик тарап Ворухту кайрадан бириктиргиси келсе, анда Мургабды Кыргыз Республикасына кайтарып берүүсүн унутпасын. Совет доорундагы тажик тарабы менен болгон бардык карталар Кыргыз Республикасы үчүн жараксыз, юридикалык күчкө ээ эмес. Тажик тарап карталарды өз кызыкчылыгына эле таянып, ары-бери чойгулай берсе болобу?», — деп жазды Айдарбеков.

Кыргызстан тажик тарап менен макулдашкан протоколду жарыялады