Биз менен байланышыңыз

«Дордой» конушунда 48 млн сомго бала бакча салынат

Кыска кабар | 24 Мар 2021 | 427 | 0

Бишкектин «Дордой» конушунда бала бакчанын курулушуна конкурс жарыяланды. Бул тууралуу шаардык мэриянын басма сөз кызматы кабарлады.

Тендер мэриянын коомдук-мамлекеттик капиталдык курулуш башкармалыгынын линиясы аркылуу ишке ашат.

Бала бакча 140 балага ылайыкталган. Долбоорлук-сметалык документациясы толук аяктаган. Анда оюн бөлмөсү, ашкана, уктоочу бөлмө, даараткана, кабыл алуучу жана медициналык бөлмө, музыкалык-гимнастикалык зал болот.

Жаңы бала бакчанын алгачкы сметалык баасы 48 млн 398 миң 113 сомду түзөт. Каражат шаардык бюджеттен бөлүнөт.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM