Германияда карантин марттын аягына чейин узартылды

Германияда карантин режими марттын аягына чейин узартылды. Бул тууралуу канцлер Ангела Меркель билдирди.

Бирок өкмөт эпидемиологиялык кырдаал жол берсе, чектөөлөрдү эртерээк жоюуга макул болгон. 

«Zuddeuche Zeitung» гезити билдиргендей, Германияда карантиндик режим 28-мартка чейин узартылат, бирок чектөөлөрдү жумшартуу 8-мартта башталышы мүмкүн. Тактап айтканда, 100 миң калкка 50 кардардан ашпаган аймактарда китеп жана гүл дүкөндөрү ачылат. Мындан тышкары музейди, галереяларды, ботаникалык бакчаларды жана зоопарктарды алдын ала ээлеп коюу менен ачса болот.

Эгерде оорунун көрсөткүчү төмөндөсө, 2 жумадан кийин чектөөлөр азайтуунун жаңы баскычына өтүшү мүмкүн. Тактап айтканда, коронавируска терс тест берүү менен театрларга, концерттерге, операларга жана кинотеатрларга барууга уруксат берилиши күтүлөт.

Меркель чектөөлөрдү алып салуу чечими облустук администрация тарабынан кабыл алынарын белгиледи.

Ал арада Германиянын вице-канцлери Олаф Шольц коронавируска каршы эмдөөлөргө коюлган чектөөлөрдү алып салуу керек деп билдирди. Анын айтымында, вакцина алгандарга тест талап кылынган бардык жерлерге кирүүгө уруксат берилиши керек.