Тогуз коргоол оюну ЮНЕСКОнун маданий мурастар тизмесине кирди

Тогуз коргоол оюну ЮНЕСКОнун маданий мурастар тизмесине кирди. Мындай чечим 17-декабрда Ямайкада уюмдун өкмөт аралык комитетинин сессиясында кабыл алынды.

ЮНЕСКОнун сайтындагы маалыматка караганда, тогуз коргоол, тогыз кумалак жана мангала өңдүү салттуу интеллектуалдык элдик оюндарды Кыргызстан, Казакстан жана Түркия сунуш кылган.

🔴 BREAKING

Togyzqumalaq, Toguz Korgool and Mangala/Göçürme, a traditional intelligence and strategy game, has just been inscribed on the #IntangibleHeritage list.

Congratulations #Kazakhstan🇰🇿; #Kyrgyzstan🇰🇬& #Turkey🇹🇷! 👏

ℹ️ https://t.co/WAuHUtqJG7 #LivingHeritage pic.twitter.com/uhIIW5cl3t

— UNESCO (@UNESCO) December 17, 2020

Материалдык эмес мурастарды коргоо боюнча өкмөт аралык комитеттин жыйыны бул жолу 14-декабрда башталган. Тизмеге кошуу үчүн комитетке ар башка мамлекеттерден 32 түрдүү элдик өнөр жана буюмдар сунуш кылынды.

ЮНЕСКОнун маданий мурастар тизмесине буга чейин кыргыз элинин атынан «Манас», «Семетей», «Сейтек» үчилтиги, төкмө акындык өнөр, кийиз өнөрү, калпак тигүү өнөрү, айтыш, көкбөрү ж.б. кирген.