Дүйнөдө эмне кеп?

11,5 миллионго жакын калкы бар Бельгияда коронавирустун курмандыктарынын саны 10 миңден ашты. Өлүм көрсөткүчү боюнча өлкө Сан-Марино менен Перудан кийин үчүнчү орунда турат.

Шаршемби күнү Украина пандемия башталгандан бери күн сайын илдеттин катталуусу боюнча рекорд койду, 4027 адам вирус жуктуруп алды.

Walt Disney компаниясы 28 миң кызматкерин жумуштан бошотот. Экинчи чейректе компания 4,7 миллиард доллар жоготту. Walt Disney’дин өкүлү Жош д’Амаро Калифорния администрациясы киргизген карантин саясатынын өтө катаалдыгына нааразы болду.

Пандемияга байланыштуу мунайга болгон суроо-талаптын төмөндөшүнөн кийин Royal Dutch Shell компаниясы 2022-жылга чейин 7000-9000ге чейин кызматкерин кыскартууну пландаштырууда. 1500 адам буга чейин сунушталган шарттарга макул болушкан.

Албания өкмөтү мектептерде окуу жылынын башталышын ноябрь айына жылдырууну чечти.

Финляндиянын баш калаасы Хельсинкидеги барлар акыркы жолу бүгүн, 1-октябарда иштеп, андан соң карантинге жабылат.

COVID-19 оорусунун көбөйүшүнө жооп кылып, Нью-Йорк мэриясы коомдук жайларда беткапсыз жүргөндөр үчүн 1000 доллар айып пул салды.

Германиянын канцлери Ангела Меркель мекендештерин пандемиянын экинчи толкунуна даярданууга жана илдеттен сак болууга чакырды.

"Марал радиосу" Телеграмда

"Марал радиосу" Инстаграмда

Advertisement

Айжамал Толубай

Пикир калтырыңыз