Коронавирус жуктургандардын саны 45 миңге жакындады

Кыргызстанда 14-сентябрга карата коронавирустун жаңы 47 учуру катталды. Республикалык штабдын маалыматы боюнча жаңы катталган учурлар төмөнкү аймактардан чыккан:

— Бишкек — 8;
—Ош — 2;
—Чүй облусу – 2;
—Ош облусу — 2;
—Нарын облусу — 1;
—Ысык-Көл облусу – 8;
—Жалал-Абад облусу – 10;
—Баткен облусу — 14.

Өлкөдө коронавирус жуктургандардын жалпы саны 44 миң 928ге жетти. Учурда ооруканаларда 507 бейтап дарыланып жатат. Үй шартында 1903 киши дарыланууда.

Өткөн сутка ичинде Кыргызстанда COVID-19 илдетинен каза болгондор катталган жок.

Бир сутка ичинде вирус жуктургандардын бешөө — медициналык кызматкер. Алардын ичинен Баткен облусунда – 4, Ысык-Көл облусунда – 1 учур.

Ошондой эле акыркы суткада 5 медкызматкер ооруканадан чыгарылды, үй карантининде дарыланып жаткан 9 медкызматкер да сакайды.

COVID-19 илдети менен 3172 медкызматкер ооруду, алардын 2699 айыкты.