Тармактык комитет БАЭдеги элчиликке Абдилатиф Жумабаевдин талапкерлигин жактырды

Жогорку Кеңештин Эл аралык иштер, коргоо жана коопсуздук боюнча комитети Кыргызстандын Бириккен Араб Эмиратындагы атайын жана ыйгарым укуктуу элчиси кызмат ордуна сунушталган Абдилатиф Жумабаевдин талапкерлигин жактырды. Аны депутаттарга тышкы иштер министринин орун басары Нурлан Абдрахманов тааныштырды.

Белгилей кетсек, Абдилатиф Жумабаев ушу тапта Кыргызстандын Сауд Аравиясындагы жана Түштүк Африкасындагы атайын жана ыйгарым укуктуу элчиси кызматын аркалап келет.