Биз менен байланышыңыз

Таалайбек Нуралиев кызматынан бошотулду

Кыска кабар | 19 Дек 2019 | 382 | 0

Таалайбек Нуралиев Өкмөткө караштуу Жазаларды аткаруу мамлекеттик кызматынын төрагасынын биринчи орун басары кызматынан бошотулду. Тиешелүү буйрукка премьер-министр Мухаммедкалый Абылгазиев кол койду.

Бул тууралуу Өкмөттүк Аппараттын маалымат кызматы билдирди.

Нуралиев аталган кызматка ушул жылдын  27-февралында дайындалган болчу.

Кошумчалай кетсек, Таалайбек Молдалиевич ички иштер органдарында 1988-жылдан 2018-жылдын январь айына чейин кызмат өтөгөн. Бул аралыкта Ички иштер министрлигинин бир топ бөлүмдөрүнүн кызматтарында, ошондой эле Нарын, Ош, Талас, Баткен, Ысык-Көл ОИИБдин  райондук бөлүмдөрүндө жетекчилик кызматтарда эмгектенип, 2010-жылдын декабрь айынан 2013-жылдын май айына чейин Нарын ОИИБдин  башчысы кызматын аркалаган.

 

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM