Эрмек Мамыркалиев Транспорт министрлигине статс-катчы болуп дайындалды

Эрмек Мамыркалиев Транспорт жана жолдор министрлигинин статс-катчысы болуп дайындалды. Тиешелүү буйрукка премьер-министр Мухаммедкалый Абылгазиев кол койду. Бул тууралуу Өкмөттүк Аппараттын маалыматтык камсыздоо бөлүмү бүгүн билдирди.

Эрмек Мамыркалиев буга чейин Президенттик Аппаратта, Бишкек шаарынын мэриясында бир катар жооптуу кызматтарды аркалаган. 2015-жылы Транспорт жана жолдор министринин кеңешчиси болуп эмгектенген.