Килем жүктөп кирем деп колго түштү

Бүгүн, 27-июнда таңга маал Казакстан тараптан аткез товар жүктөп келаткан жаран колго түштү. Бул тууралуу Мамлекеттик салык кызматынын маалымат бөлүмү билдирди.

Мамлекеттик салык кызматынын кызматкерлери «Чоң-Капка» көзөмөл-өткөрмө бекетинен өтүп бараткан автоунааны текшерүүгө алышканда, андан коштоочу кагазы жок жалпы суммасы 725 миң сомдук 433 килем табылган.

Мыйзамга ылайык, бузуу фактылары боюнча материалдар андан аркы иш-чараларды карап көрүү үчүн Экономикалык кылмыштарга каршы күрөш мамлекеттик кызматынын ыкчам тобуна өткөрүлүп берилди.