Биз менен байланышыңыз

Жээнбеков экс-президенттин кол тийбестигин алуу жөнүндө мыйзамга кол койду

Кыска кабар | 16 мая 2019 | 322 | 0

«Кыргызстандын президентинин ишмердигинин кепилдиктери жөнүндө» мыйзамга өзгөртүүлөр киргизилди. Тиешелүү буйрукка президент Сооронбай Жээнбеков кол койду. Бул тууралуу Президенттик Аппараттын маалымат кызматы билдирди.

Мыйзам ушул жылдын 4-апрелинде Жогорку Кеңеш тарабынан 2010-жылдын 27-июнундагы референдум аркылуу өзгөртүүлөр киргизилген Конституцияга ылайык келтирүү максатында кабыл алынган.

Жогорку Соттун Конституциялык палатасы 2018-жылдын 3-октябрында «Кыргыз Республикасынын Президентинин ишмердигинин кепилдиктери жѳнүндѳ» Кыргыз Республикасынын мыйзамынын 12-беренесинин башмыйзамга шайкештигин текшерүү тууралуу ишти карап чыгып, талашылып жаткан ченем Конституциянын 16-беренесинин 3-бѳлүгүнѳ экс-президентти Кыргызстандын президентинин ыйгарым укуктарын аткарып турган мезгилде жасаган жосундары үчүн жоопкерчиликке тартуу жол-жобосун караштырбаган даражада карама-каршы келет деген чечим чыгарган.

Мыйзам расмий жарыялангандан он күн өткөндөн кийин күчүнө кирет.

Copyright © 2017 Maral FM