16-17-ноябрда Бишкекте бир катар жолдор жабылат

16-17-ноябрда Чүй облусу жана Бишкек шаарынын айрым көчөлөрүнө чектөөлөр киргизилет. Бул тууралуу Жол кыймылынын коопсуздугун камсыздоо башкы башкармалыгынан кабарлашты.

Бул күндөрү Бишкек шаарында Көз карандысыз мамлекеттер шериктештигине мүчө мамлекеттердин Парламенттер аралык ассамблеясынын күзгү сессиясынын иш-чаралары өтөт.

Буга байланыштуу Чүй облусунун жана Бишкек шарынын төмөнкү көчөлөрүнө маал-маалы менен чектөөлөр киргизилип турат:

— «Манас» аэропорту жолу Бишкек шаарынын чегине чейин;
— Фучик көчөсү Бишкек шаарынын чегинен тарта Жибек-Жолу көчөсүнө чейин;
— Жибек-Жолу көчөсү Фучик көчөсүнөн тарта чыгышты карай Манас проспектисине чейин;
— Манас жана Ч. Айтматов көчөлөрү түштүктү карай «Ала-Арча» мамлекеттик резиденциясына чейин;
— Медеров көчөсү Байтик-Баатыр көчөсүнөн тартып, Б. Юнисалиев көчөсүнө чейинки бөлүгү.