Тажикстан Кыргызстан менен 101,86 км чек ара сызыгы демаркацияланганын билдирди

Кыргызстан менен Тажикстан чек арадагы талаштуу аймактардын болжолдуу долбооруна кол койгонун «Sputnik Тажикстан» басылмасы тажик аткаминерине шилтеме берип жазды.

Кечээ, 7-августта тажикстандык ММКлар өлкөнүн Жерди башкаруу жана геодезия мамлекеттик комитетинин башчысы Ориф Хожазоданын билдирүүсүнө таянып, кыргыз-тажик чек арасындагы 101,86 км аралык демаркацияланганын жазды.

Хожазода эки өлкөнүн ортосунда түзүлгөн топографиялык комиссиясынын ортосунда 7 жолу жолугушуу болгонун да билдирген.

Буга чейин Тажикстандын Согди облусунун башчысы Ражаббой Ахмадзода Кыргызстандын президентинин Баткен облусундагы өкүлчүлүгүнүн башчысы Абдикарим Алимбаев менен жолуккан.