Connect with us

ӨКМ эскертет: Ашууларда кар көчкү түшүү коркунучу бар

Кыска кабар | 8 Ноя 2022 | 175 | 0

Кыргызстандын аймагында жаан-чачынга байланыштуу тоолуу райондордо, унаа жолдордо кар көчкү түшүү коркунучу бар. Бул тууралуу Өзгөчө кырдаалдар министрлиги билдирди.

Бишкек-Ош унаа жолунун 121-128-чакырымындагы Төө-Ашуу ашуусунда, 198-246-чакырымындагы Ала-Бел ашуусунда, Чычкан капчыгайында кар көчкү жана кар күрткү түшө турганы күтүлүп жатат.

Жолдордун айрым тилкелери тайгак болуп, муз тоңот. Унаалардын ортосунда 500 метр аралык чектелиши зарыл.

Бүгүн, 8-ноябрда күндүз Чүй, Ысык-Көл, Нарын облустарынын көпчүлүк райондорунда, Ош, Жалал-Абад облустарынын тоолуу аймактарында кар, жаан жаайт. Ал эми Талас, Ош, Баткен облустарында жаан-чачын күтүлбөйт. Чүй, Талас, Ош, Жалал-Абад, Баткен облустарын туман капташы мүмкүн.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM