Connect with us

Орусияга Кыргызстандан бара жаткан жүк ташуучу унаанын ичинде 15 бала болгон

Кыска кабар | 29 Авг 2022 | 23874 | 2

Орусиянын Түштүк Уралында жол-кайгуул кызматынын кызматкерлери жүк ташуучу унааны токтоткон. Унаанын ичинде 10 чоң адам жана 15 бала болгон. Жүргүнчүлөр Кыргызстандан Челябинск шаарына бара жатканы аныкталган. Бул тууралуу Орусиянын жергиликтүү басылмалары жазды.

Орусиянын жол кыймылынын коопсуздугун камсыздоо боюнча мамлекеттик инспекциясынын маалыматына ылайык, унаа Челябинск — Троицк жолунун 132-чакырымында токтотулган. Маалыматта кармалган жарандар Кыргызстандан Орусияга мыйзамсыз кирүүгө аракет кылганы айтылат.

Унаанын айдоочусуна жүргүнчүлөрдү ташуу эрежесин бузуу боюнча эки административдик иш козголгон.

Тиешелүү текшерүүдөн кийин жүк ташуучу унаанын ичиндеги жүргүнчүлөрдү атайын жүргүнчү ташуучу транспортко отургузуу үчүн Троицк автовокзалына жеткирилген.

Кыргызстандын Екатеринбург шаарындагы Башкы консулдугуна маалыматты тактоо үчүн байланышканыбызда, учурда аталган маалымат такталып жатканыдыгын билдирди.

Орусияга жүк ташуучу унаа менен барган 15 бала тууралуу консулдук үн катты

Advertisement
2 пикир

2 пикир

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM