Төрөбаев Министрлер кабинетинин төрагасынын орун басарынын милдетин аткарат

Жогорку Кеңештеги «Ата Журт-Кыргызстан» фракциясынын лидери Бакыт Төрөбаев министрлер кабинетинин төрагасынын орун басарынын милдетин аткаруучу болуп дайындалды.

Тийиштүү жарлыкка президент Садыр Жапаров кол коюп, кызматка талапкерлигин кароо үчүн Жогорку Кеңешке сунуштады.

Президенттин дагы бир жарлыгы менен министрлер кабинетинин төрагасынын буга чейинки орун басары Азиз Аалиев кызматынан бошотулду. Жарлыкта анын бошоо себеби башка ишке өткөнүнө байланыштуу экени көрсөтүлгөн.

Айта кетсек, Азиз Аалиев министрлер кабинетинин төрагасынын орун басары болуп 2021-жылдын 6-сентябрында дайындалган.