Бишкек-Ош жол кырсыгынан аял каза болуп, 9 адам жаракат алды

Бишкек-Ош унаа жолунун 246-чакырымында Токтогул районунда, кечээ, 16-июлда саат 20:44 чамасында «Хонда Одиссей» жана «УАЗ» үлгүсүндөгү эки унаа кагышкан. Бул тууралуу Өзгөчө кырдаалдар министрлигинин басма сөз кызматы кабарлады.

Маалыматка ылайык, кырсыктын кесепетинен 1 аял каза болуп, 9 адам ар кандай жаракаттарды алышты.

Жаракат алгандар:

1965-жылы туулган — К.В.;

1960-жылы туулган — Ө.Н.;

1972-жылы туулган — С.О.;

1973-жылы туулган — С.С.;

1984-жылы туулган — К.И.;

1985-жылы туулган — О.Н.;

1989-жылы туулган — А.А.;

2000-жылы туулган — А.Н.;

2008-жылы туулган — Э.Е.;

Окуя болгон жерге ӨКМдин №97 куткаруучусу алынып келинип, куткаруучулар маркумдун сөөгүн унаанын ичинен алып чыгып, Ички иштер министрлигине өткөрүп беришкен.

Жабырлануучулар тез жардам кызматы менен райондук ооруканага жеткирилген.

Учурда жабырлануучулардын абалы орто деп эсептелет.